Årstad videregående skole i Bergen, Honningsvåg
ungdomsskole og Straumsnes skole på Nordmøre
blei kåra til vinnarar i den landsomfattande konkurransen
om beste klasseprosjekt med tysk språk og kultur som
tema. Konkurransen blir arrangert av Nasjonalt ressurssenter
for tysk ved Universitetet i Oslo.
Årstad videregående skole vann klassen for dei
eldste elevane med forslaget sitt til korleis tyske turistar
kunne lokkast til Bergen. Estetikkelevane frå Bergen
hadde laga flotte plansjar med til dømes Bryggen og
Mariakirken som blikkfang, og denne reklameframstøyten
for Bergen gjekk altså rett heim hos juryen.
Vinnaren i klassen for ungdomsskulen, 9. klasse ved Honningsvåg
ungdomsskole, hadde laga ein satirisk film om tyske turistar
på
besøk på Nordkapp. Det var andre gong på rad
at Honningsvåg ungdomsskole vann klassen for ungdomsskulen.
Begge desse skulane får 40 000 kroner i førstepremie,
gitt som gåve av den norsk-tyske Willy Brandt-stiftinga
og Nasjonalt ressurssenter for tysk. Pengane må brukast
til ein klassetur til eit tyskspråkleg land.
Det var også ein eigen klasse for barneskulane. Trass
i at dei ikkje har tyskundervisning, klarte elevane i 5.
klasse ved Straumsnes skole på Nordmøre å skipa
til ein eigen kulturkveld med tyskspråkleg litteratur
og visesong. Videopptaket av dette kulturtiltaket gav klassen
førstepremie i klassen for barneskular. Premien blir
eit klassesett med drakten til det tyske fotballandslaget,
gitt av Den tyske ambassaden i Noreg.
Ytterligare ni skuler i heile Noreg vann premiar i konkurransen.
Berlintur med Aktive Fredsreiser, t-skjorter fra Deutscher
Sportbund og språkspelet New Amigos er nokre av dei
attraktive premiane som lokka nesten 1200 elevar til å delta
i konkurransen.
70 prosjekt
Dagleg leiar Åse Frivold i Nasjonalt ressurssenter
for tysk ved UiO, er svært nøgd med oppslutnaden
om konkurransen, som blei skipa til i nært samarbeid
med Den tyske ambassaden.og Goetheinstituttet i Oslo.
- Me fekk inn over 70 svært gode prosjekt om både
Tyskland, Austerrike og Sveits. Juryen hadde ein både
spennande og interessant jobb, men også ei vanskeleg
oppgåve med å kåra vinnarane i alle aldersgrupper.
Dette var ikkje lett, så me var skjønt einige
om at det eigentleg burde ha vore over sytti premiar i denne
konkurransen, seier ho.
Her ser de resultata av Klasseprosjektkonkurransen
2003:
5.-7. klasse:
1. Elevane i 5. klasse ved Straumsnes skole
2. 6. og 7. klassingar ved Bryne skule og Ramsund skole deler
andrepremien,
4. 6. og 7. klassingar ved Langestrand skole og Årnes
skole
8.-10. klasse:
1. 9. klasse ved Honningsvåg ungdomsskole i Nordkapp
kommune
2. Klasse 8c ved Tjøme ungdomsskole og 9. kl. ved
Skjevik ungdomsskole
4. 8.-10. klasse ved Straumsnes ungdomsskole,
1.-3. klasse i den vidaregåande skulen:
1. Årstad videregående skole, 1est a/b,
2. Halden vgs, 3TYC, og Fagerlia vgs, 2AF3,
4. Sandnessjøen videregående skole, 2TYB,
Juryen var sett saman av fylgjande personar:
Barbara Dick, Den tyske ambassaden i Oslo
Reinhard Leusing, Goethe-Institut Oslo
Ingunn Tveide, Nasjonalt ressurssenter for tysk
Christiane Urban, praktikant ved Goethe-Institut Oslo
Åse Frivold, Nasjonalt ressurssenter for tysk
Kontaktperson:
Åse Frivold , dagleg leiar for Nasjonal ressurssenter for tysk,
22 84 48 32 & 48 24 50 47 (mob)